Mańǵystaýdaǵy jol apaty: Ulttyq ulannyń avıasıalyq borty jiberildi
Bortta jol-kólik oqıǵasynda qaza tapqandardyń týystary denelerin sáıkestendirý jáne basqa qajetti rásimderdi ótkizý úshin ushyp barady, - dep habarlaıdy Aqshamnews.kz.
Bort qaza tapqandardyń denelerin óz aımaqtaryna jetkizý úshin de paıdalanylady. Qaza tapqandardyń ishinde — bes áıel Qaraǵandy oblysynan, al bireýi Astana qalasynyń turǵyny.
Dárigerler qazir Mańǵystaýdaǵy jol apatynan zardap shekken úsh adamnyń ómiri úshin kúresip jatyr.
«1964 jyly týǵan er adam men 1967 jyly týǵan áıel jansaqtaý bólimine jatqyzyldy, jaǵdaılary aýyr. 1960 jyly týǵan áıel aýrýhananyń travmatologıa bóliminde, jaǵdaıy turaqty aýyr», – dep habarlady Mańǵystaý oblystyq densaýlyq saqtaý basqarmasy.
Eske sala keteıik, buǵan deıin Mańǵystaýda jol apaty bolyp, 10 adam qaıtys bolǵanyn habarlaǵan edik.