Jol apaty keshe Qaraqıa aýdanyndaǵy Senek aýylynan 90 shaqyrym jerde boldy.
«Toyota Hiace» kóligi jol shetine aýdarylyp ketken, - dep habarlaıdy Aqshamnews.kz.
Aldyn ala málimet boıynsha, júrgizýshi rólge ıe bola almaǵan. Apat saldarynan 8 adam oqıǵa ornynda, taǵy 2 adam aýrýhanaǵa jetkizý kezinde kóz jumdy. Júrgizýshi men 2 jolaýshy jaraqatpen aýrýhanaǵa tústi.
İİM Mańǵystaýdaǵy qaıǵyly jol apatyna baılanysty úndeý jasady. İshki ister mınıstriniń tapsyrmasymen jedel shtab quryldy. Shtab táýlik boıy jumys isteıdi.
- Mınıstr qylmystyq istiń tergeý barysyn óz baqylaýyna aldy. Qazirgi ýaqytta tergeý aıasynda júrgizýshiniń is-qımyly, kóliktiń tehnıkalyq jaǵdaıy, marshrýt jáne tasymaldaý sharttary tekserilýde, - dedi İİM resmı ókili - departament bastyǵy Shyńǵys Alekeshev.Jol-kólik oqıǵasyna baılanysty qylmystyq is qozǵalyp, tergeý júrip jatyr.