«Mamyr-1» shaǵynaýdanynda 200 adamdy qabyldaıtyn otbasylyq-dárigerlik ambýlatorıanyń qurylysy aıaqtalyp keledi. Búgingi tańda jumystar 90%-ke aıaqtaldy. Nysan mamyr aıynda paıdalanýǵa beriledi, dep habarlaıdy almaty-akshamy.kz
«Qýanysh» shaǵynaýdanynda aýysymyna 300 adam qabyldaıtyn №18 emhananyń jańa negizgi ǵımaratyn salý úshin jer ýchaskesin satyp alý jumystary jalǵasýda. Qazirgi ýaqytta jer ýchaskesiniń quny ıesimen kelisilip jatyr.
Aldyn ala baǵalaý 14.04.2023 jylǵa deıin daıyn bolady. Baǵasyna kelisken jaǵdaıda tıisti qarajat bólý úshin máslıhatqa búdjettik ótinim jiberiledi (osy jyldyń mamyr aıynyń sońyna deıingi merzim), kelispegen jaǵdaıda jer ýchaskesi tamyzda sot tártibimen satyp alynatyn bolady.
Bul obektilerdiń qurylysy osy emhananyń shamadan tys júktemesin tolyǵymen sheshýge múmkindik beredi.