Fermerler úshin barlyq jaǵdaı jasalǵan.
Aýyl sharýashylyǵyna jaýapty mamandar sapaly egis naýqanyna daıyndyq qalaı júrgizilip jatqanyn aıtty,dep habarlaıdy Almaty-akshamy.kz.
«400 myń tonna kóleminde dızel otyny bólindi, fermerler tuqymmen qamtamasyz etildi, tehnıkanyń daıyndyǵy 95% deńgeıinde (egis jumysy bastalarda 100% bolady), jalpy somany 140 mlrd teńgege deıin jetkize otyryp, qarjylandyrý kólemin 70 mlrd teńgege ulǵaıtý máselesi pysyqtalyp jatyr. «Azyq-túlik kelisim shart korporasıasy» UK» AQ forvardtyq satyp alý baǵdarlamasy boıynsha qarjylandyrýǵa 80 mlrd teńgege deıin baǵyttaıdy, bul ótken jylǵy deńgeıden 2 ese kóp», - delingen ASHM baspasóz qyzmetiniń habarlamasynda.
Mamandardyń aıtýynsha, aǵymdaǵy jyly AÓK memlekettik qoldaý júıesi ózgerissiz qalady, bul fermerlerge qosymsha qıyndyqtarsyz egis jumystaryn bastaýǵa múmkindik beredi.
Sondaı-aq, 29,7 mlrd teńge kóleminde pestısıdterdi sýbsıdıalaý baǵdarlamasyn qarjylandyrý qamtamasyz etildi, bul egis alańyn 100% óńdeýge múmkindik beredi. Shamamen 659 myń tonna tyńaıtqysh engizý josparlanyp otyr.
«Sonymen qatar, qazirgi kúrdeli jaǵdaı fermerlerdi otandyq mıneraldy tyńaıtqyshtardyń baǵasyn tómendetý máselelerin obektıvti túrde kóterýge májbúr etedi.Tyńaıtqyshtardyń quny túpkilikti ónimniń baǵasyna, sondaı-aq jalpy satyp alý qabiletine áser etetinin eskere otyryp, Premer-Mınıstr Álıhan Smaıylovtyń tapsyrmasyna sáıkes, Aýyl sharýashylyǵy mınıstrligi Indýstrıa jáne ınfraqurylymdyq damý mınıstrligimen birlesip, mıneraldy tyńaıtqyshtardyń baǵalaryn tómendetý boıynsha júıeli jumystardy júrgizýde», - delingen mınıstrlik habarlamasynda.
Osylaısha, Premer-Mınıstrdiń birinshi orynbasary Roman Sklárdyń tóraǵalyǵymen «QazAzot» kompanıasynyń basshylyǵymen ótken keńeste taraptar otandyq amıak selıtrasynyń baǵasyn bıylǵy 16 naýryzdan bastap 200 myńnan 160 myń teńgege deıin tómendetý týraly sheshimge keldi.
«Sapaly egis naýqanyna daıyndyq máseleleri erekshe baqylaýda jáne Memleket basshysynyń «Jańa Qazaqstan: jańarý men jańǵyrý joly» atty Qazaqstan halqyna Joldaýy sheńberinde berilgen tapsyrmasyna sáıkes kúsheıtiletin bolady», - delingen ASHM baspasóz qyzmetiniń habarlamasynda.