Sońǵy aptada KVI juqtyrǵandar sany 8%-ǵa artqan.
COVID-19 jańa shtamy búkil álemge taralyp jatyr. Vırýsologtar jaqyn kúnderi «Jasyryn omıkron» shtamy basym bolýy múmkindigin aıtty, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Koronavırýstyń «Jasyryn omıkron» túrimen aýyratyndar qaıtadan ıis sezý qabiletin joǵaltady jáne ishek aýrýlaryna tap bolady. Qazir Eýropada koronavırýstyń jańa shtamymen aýyrǵandar sany ósken. Eýropalyq vırýsologtar kovıdke qarsy ımýnıteti joq, tekserýden ótpeıtin mıgranttar epıdahýaldyń kúrdelene túsýine septigin tıgizip otyr,degendi aıtady. Juqpalylyǵy joǵary, omıkronnyń BA.2. qosalqy bóligi basym shtamǵa aınalýy múmkin.
Dúnıejúzilik densaýlyq saqtaý uıymy koronavırýs aýrýynyń kórsetkishi óskeni týraly aıtyp jatyr. Sońǵy aptada juqtyrǵandar sanynyń 8%-ǵa artqany anyqtaldy, bul 11 mıllıonnan astam adamdy quraıdy. Al 43 myńnan astam adam qaıtys boldy. DDU sarapshylarynyń boljamy boıynsha, dertke shaldyqqandar sany Batys Tynyq muhıty aımaǵynda, Afrıka men Eýropada ósip kele jatyr. Bir apta ishinde indetke shaldyqqandardyń sany Koreıa Respýblıkasy, Vetnam, Germanıa, Nıderlandy jáne Fransıa elderinde arta túsken.