Barlyq vıdeo tekseriledi
20 shildeden beri 20 myńǵa jýyq test tapsyrýshy keshendi testileýden (KT) ótti. Bir apta ishinde ereje buzǵany úshin 153 test nátıjesi joıyldy. Bul týraly Ulttyq testileý ortalyǵynyń dırektory Rýslan Emelbaev aıtty, dep habarlaıdy Almaty-akshamy.kz Zakon.kz-ke silteme jasap.
Keshendi testileý – aqparattyq-kommýnıkasıalyq tehnologıalardy paıdalana otyryp, birneshe oqý pánderi boıynsha bir ýaqytta ótkiziletin emtıhan túri. KT joǵary oqý oryndarynyń bilim berý baǵdarlamalaryn meńgergen tulǵalar úshin júrgiziledi.
Testileý bastalǵan kezde tyıym salynǵan zattardy alyp júrýge árekettengen 153 talapkerdiń 89 testileý nátıjesi joıyldy. Emtıhan kezinde ereje buzǵany úshin 61 talapker, beınerolıkterdi qaıta tekserý nátıjesinde 3 adam shettetildi.
«Testileý kezinde bul úsh talapker smartfon paıdalanyp, testti fotoǵa túsirip, emtıhan materıaldaryn basqalarǵa jibergen. Testileýshilerdiń sertıfıkaty joıyldy, test suraqtary bazadan alynyp tastaldy. Barlyq vıdeo tekseriledi»,-Ulttyq testileý ortalyǵynyń dırektory Rýslan Emelbaev.
FACE-ID júıesiniń arqasynda testileýge kire beriste basqa adamdar úshin test tapsyrmaq bolǵan tórt tulǵa anyqtaldy. Olar týraly aqparat ýákiletti organǵa joldandy. Aıtpaqshy, byltyr testileýden ótetin adam ornyna bir ǵana adam kirgen edi.
«Keshendi testileýge tirkelý kezinde testileýshilerden erejelermen tolyq tanysyp, kelisimin kórsetý usynylady. Soǵan qaramastan olardyń keıbireýleri túrli qýlyqqa baryp, zań buzýshylyqpen synaqtan ótýge tyrysady. Sondyqtan men bolashaq magıstranttardy erejeni buzbaýǵa jáne akademıalyq adaldyq qaǵıdattaryn saqtaýǵa shaqyramyn»,-deıdi Rýslan Emelbaev.