«M.O.Áýezov atyndaǵy Ádebıet jáne óner ınstıtýty», IýNESKO jáne ISESKO isteri jónindegi QR Ulttyq Komısıasynyń, QR Materıaldyq emes zattyq mádenı mura jónindegi ulttyq komıtetiniń, Halyqaralyq túrki mádenıeti qorynyń jáne shyǵarmashylyq JOO-nyń qatysýymen Qazaqstannyń tuńǵysh Halyq ártisi, etnograf-ǵalym, kompozıtor Aleksandr Vıktorovıch Zataevıchtiń «Qazaq halqynyń 1000 áni» jınaǵynyń 100 jyldyǵyna arnalǵan «Álem halyqtarynyń mádenı murasy: etnomýzyka, etnofor, etnograf» atty Halyqaralyq ǵylymı-tájirıbelik sımpozıým uıymdastyryldy.
Sımpozıýmǵa Túrkıa, Reseı, Ázerbaıjan, Ózbekstan jáne Qyrǵyz Respýblıkasynan fólklortanýshy, mýzykatanýshy ǵalymdar arnaıy keldi.
Sımpozıým aıasynda plenarlyq jáne seksıalyq otyrystar qarastyrylǵan. Negizgi baǵyttary: «A.V.Zataevıchtiń «Qazaq halqynyń 1000 áni» jınaǵy: tarıh, teorıa jáne tájirıbe máseleleri», «Álemdik jáne otandyq gýmanıtarlyq ǵylym aıasyndaǵy A.V.Zataevıchtiń murasy», «Ulttyq mádenıettegi etnoforlar (ónerpazdar) men shyǵarmashylyq qaýymdastyqtar», «Zertteýshiniń aýyzsha jáne jazbasha mýzyka dástúrlerin zerdeleýdegi róli», «Dástúrli mýzykanyń búgingi bolmysy men sabaqtastyq aspektileri», «Qazirgi kezeńdegi ulttyq óner», «Túrki halyqtarynyń rýhanı álemi», «Tarıh, etnografıa, fılologıa jáne ónertaný salalaryndaǵy Mádenı qundylyqtardy saqtaý, zertteý jáne nasıhattaý máseleleri». Sımpozıým barysynda «HH-HHİ ǵasyrlardyń qundylyq pen mańyzdylyq keńistigindegi A.V.Zataevıchtiń murasy: ǵylym – mádenıet – qoǵam» kitabynyń tusaýkeseri, «Alpamys batyr» eposy boıynsha kópultty nomınasıa sarapshylarynyń qorytyndy kezdesýi, Túrki halyqtarynyń fólklorlyq eskertkishterin basylymy jónindegi halyqaralyq toptyń otyrysy kózdelgen.
«Bıylǵy jyl qazaq mádenıeti men mýzykasynyń ataýly jyly bolyp sanalady. Belgili etnograf-ǵalym A.Zataevıchtiń «Qazaq halqynyń 1000 áni» jınaǵy osydan bir ǵasyr buryn jaryq kórdi. Bul qazaq halqy, Orta Azıa, álem úshin de úlken mol mura bolyp qaldy. Osyndaı rýhanı jaýhar jádigerlerdi zerttep, zerdelep, óskeleń urpaqqa nasıhattap jetkizý kerek», – dedi M.O.Áýezov atyndaǵy Ádebıet jáne óner ınstıtýty Bas dırektory, UǴA akademıgi K.İslámjanuly.
