Ol qandaı jaǵdaıda bılik erterek aýysatynyn da aıtty.
Aleksandr Lýkashenko eger Batys elderi Belarýsqa shabýyl jasaı berse, ómir boıy prezıdent bolyp qala beretinin málim etti, dep habarlaıdy Almaty-akshamy.kz Interfax.ru silteme jasap.
Bul týraly Belarýs Prezıdenti Osıpovıchskıı polıgonyndaǵy «Odaqtyq sheshim-2022» dep atalatyn Belarýs-Reseı áskerı jattyǵýlarynyń barysymen tanysqannan keıin jýrnalıserge aıtty.
«Men eshqashan qashan ketetinimdi aıtqan joqpyn, tek qandaı jaǵdaıda ketetinimdi aıttym. Eger Batys elderi, ásirese, AQSH bizdiń elimizdi óz nysanasynan alyp tastap, tóńkeris uıymdastyrý oıynan arylsa, bılik zańdy túrde, erterek aýysady. Al eger sizder ádettegideı shabýyldaıtyn bolsańyz, men ómir boıy prezıdent bolyp qalamyn», – dedi Aleksandr Lýkashenko.
Buǵan deıin Belarýs Prezıdenti Aleksandr Lýkashenko Ýkraına 15 jyldan keıin odaqtas memleketke kiredi dep málimdegen edi.
«Eger biz qatelik jibermesek, 15 jyldan keıin Ýkraına odaqqa kirýi múmkin dep oılaımyn», – dedi Memleket basshysy.