Lıvıada qarsylasqan eki saıası top senbi kúni Trıpolıde qaqtyǵysyp, saldarynan kem degende 23 adam qaza tapty. BUU mısıasy qan tógisti dereý toqtatýǵa shaqyrdy, dep habarlaıdy Almaty-akshamy.kz Inform.kz-ke silteme jasap.
Qaqtyǵys Lıvıa Ulttyq birlik úkimetiniń basshysy Abdel Hamıd Beıbit pen Parlament saılaǵan Lıvıa premer-mınıstri Fathı Bashaga kúshteri arasynda bolyp jatyr.
Senbi kúni qarýly qaqtyǵys bolǵan aýdandardan adamdar evakýasıalandy. Jedel qyzmet birneshe aýrýhananyń zardap shekkenin habarlady.
BUU-nyń Lıvıadaǵy mısıasy turǵyn aýdandarǵa oq atylǵanyn tirkep, atysty dereý toqtatýǵa shaqyrdy.
Kem degende 23 adam mert bolyp, ondaǵany jaraqat aldy. Qaza tapqandar arasynda – 17 beıbit turǵyn bar, dep habarlady Reıter agenttigi.
Bul sońǵy eki jyldaǵy eń qatygez shaıqas. Ol kezde birneshe aıǵa sozylǵan saıası teketires qala aýqymyndaǵy shaıqasqa ulasyp ketken edi. Qazirgi jaǵdaı da órship ketýi múmkin, dep jazdy Reıter.
Lıvıada 2011 jyly kóterilis bolyp, NATO elderiniń qoldaýymen Mýammar Kaddafı qulatylǵannan keıin haos ornady. Sońǵy eki jylda aıtarlyqtaı tynyshtyq saqtalǵan bolatyn.