Kúnniń sýýy, kún sáýlesiniń jetispeýshiligi men temperatýradaǵy ózgerister ımýnıtetti tómendetedi.
Alǵashqy kúzgi sýyqta medısınalyq ortalyqtarda naýqastar qarasy aıtarlyqtaı kóbeıedi: terapevt dárigerge turǵan kezek artyp, JRVI belgileri jıi kezdesedi.
Nelikten ımýnıtet tómendeıdi?
Kúz ben qys aǵzaǵa birden birneshe qaýip tóndiredi:
Uıqynyń qanbaýy jáne sharshańqylyq. Kúndizgi jaryqtyń qysqarýy aǵzadan bólinetin, uıqyǵa jaýap beretin melatonın garmony kólemin tómendetedi. Nátıjesinde uıqy shala bolyp, sharshańqylyq sozylmalyǵa aınalady, ónimdilik tómendeıdi.
D3 dárýmeniniń tapshylyǵy. Kún bolmasa, aǵza kálsıdi sińirý úshin qajet D3 dárýmeniniń belsendi túriniń sıntezin toqtatady. Onyń jetispeýshiligi shashtyń, teriniń, tyrnaqtyń jáne tistiń kúıine áser etedi. Dárýmen kórsetkishterin analız tapsyrý arqyly tekserýge bolady.
Infeksıa qaýpiniń joǵarylaýy. Últrakúlgin sáýle neǵurlym az bolsa, aýadaǵy ozon soǵurlym az bolady, ıaǵnı vırýstar men bakterıalar uzaqqa saqtalady. Sondyqtan kúzde sýyq tıý jıi kezdesedi.
Parazıttik ınfeksıalar. Qurttar, patogendik bakterıalar men sańyraýqulaqtar qorektik zattardy "jep", deneniń qorǵanysyn álsiretedi. Eger olarǵa kúdik bolsa, test tapsyryp, qajet bolǵan jaǵdaıda emdelý kerek.
Qorǵanysty nyǵaıtýǵa ne kómektesedi?
Táýekelderdi azaıtý jáne ımýndyq júıege kómektesý qarapaıym qadamdarmen jasalýy múmkin:
Durys tamaqtaný rasıony. Jeıtin tamaq quramyna maýsymdyq kókónister men jemisterdi qosyńyz, al táttilerdi shekteńiz. Eger asqazan nemese as qorytý problemalary bolsa, durys tamaqtaný josparyn jasaý úshin gastroenterologpen keńesken durys.
Dene belsendiligi. Sport, gımnastıka nemese eń qurymaǵanda kúndelikti serýen deneni nyǵaıtady jáne ınfeksıalarǵa tózimdilikti arttyrady.
Tolyqqandy uıqy. Sapaly demalys vırýstarmen kúresý qabiletine tikeleı áser etedi.
Shymyrlyq. Tańerteńgilik sýyq dýshpen shynyǵý da ımýnıtetti nyǵaıtýdyń bir joly. Sý temperatýrasyn birtindep tómendetý arqyly deneni úıretýge bolady.
Jaman ádetterden bas tartý. Temeki shegý men alkogól sýyq tıý kezinde aǵzany odan ári álsiretedi.
Dárýmender men bıologıalyq belsendi qospalar. Aǵzaǵa artyq júktemeni boldyrmaý úshin dárýmenjer men belsendi bıologıalyq qospalardy qabyldaý kerek, biraq ony aldymen dárigermen kelisip alǵan jón.
Uıqynyń sapasy men mólsheri adamnyń ónimdilik, emosıonaldy jaǵdaı jáne jalpy densaýlyq kórsetkishin aıqyndaıdy.
Astanada 2024–2025 jylǵy epıdemıologıalyq maýsymda jedel respıratorlyq vırýstyq ınfeksıanyń (JRVI) 260 myńnan astam jaǵdaıy tirkeldi. Naýqastardyń jartysynan astamy – 14 jasqa deıingi balalar.