Qyrkúıek aıynda respýblıkanyń basym bóliginde aýa raıy salqyn jáne jaýyn-shashyndy bolady dep boljanyp otyr, tek respýblıkanyń batysynda qyrkúıektiń basynda aýa raıy negizinen jaýyn-shashynsyz bolady, – dep habarlaıdy aqshamnews.kz.
Qazgıdromet sınoptıkteriniń boljamy boıynsha, qyrkúıekte respýblıkanyń soltústik jartysynda jaýyn-shashyn aı boıy jıi jaýady, úzilis 1-3 kúnge sozylady. Keı kúnderi respýblıka boıynsha qatty jańbyr jaýyp, naızaǵaı, burshaq, ekpindi jel bolady. Elimizdiń soltústik jartysynda jıi tuman túsedi.
Qyrkúıektiń birinshi onkúndiginde aýa temperatýrasy: respýblıkanyń batysynda túnde +8+15°S, kúndiz +23+30°S; respýblıkanyń ońtústik-batysynda túnde +17+25°S, kúndiz +28+35°S, tek keı kúnderi aýa temperatýrasynyń shamaly tómendeýi baıqalady; Aqtóbe oblysynda aýa temperatýrasy túnde +3+10°S-tan +10+15°S-qa deıin, kúndiz +17+25°S-tan +22+27°S-qa deıin; Qostanaı oblysynda túnde +2+7°S-tan, topyraq betinde úsik bolýy yqtımal, +8+13°S-qa deıin, kúndiz +10+18°S-tan +17+25°S-qa deıin aýytqıdy dep boljanyp otyr.
Qazaqstannyń soltústik jáne ortalyq oblystarynda túnde +2+10°S deıin, topyraq betinde 2° úsik bolýy múmkin, kúndiz +8+15°S deıin sýytady. Onkúndiktiń sońynda aýa temperatýrasy shamaly joǵarylaýy múmkin.
Respýblıkanyń shyǵysynda aýa temperatýrasy túnde +8+16°S-tan +2+7°S-qa deıin, onkúndiktiń ekinshi jartysynda úsik bolýy múmkin, kúndiz +12+23°S-tan +17+25°S-qa deıin aýytqıdy;
Respýblıkanyń ońtústigi men ońtústik-shyǵysynda kúndizgi aýa temperatýrasy +22+30°C-tan +17+23°C-qa deıin aýytqıdy dep boljanady.
Qyrkúıektiń ekinshi jáne úshinshi onkúndiginde respýblıkanyń soltústiginde, ortalyǵynda jáne shyǵysynda túnde aýa temperatýrasy +3+8°S, keı kúnderi úsik bolýy yqtımal, kúndiz aýa temperatýrasy +12+19°S-tan +21+26°-qa deıin aýytqıdy;
Respýblıkanyń batys jáne ońtústik oblystarynda aýa temperatýrasy túnde +7+15°S bolady dep boljanyp otyr. Topyraq betinde úsik bolýy múmkin, kúndiz +25+35°S-tan +15+23°C-qa deıin aýytqıdy.
Úshinshi onkúndikte soltústik, ortalyq jáne shyǵys oblystarda jańbyrdyń sońy qarǵa aınalýy múmkin.
Bul boljam konsýltatıvtik bolyp sanalady. Ony naqtylaý úshin onkúndik jáne aptalyq boljamdar shyǵarylady.