2024 jyly búdjettiń jalpy shyǵyny 7,8 trln teńge bolmaq
QR Premer-Mınıstriniń orynbasary – Qarjy mınıstri Erulan Jamaýbaev 2024-2026 jyldarǵa arnalǵan respýblıkalyq búdjet jobasyn tanystyrdy, dep habarlaıdy Almaty-akshamy.kz.
«Kúsh qurylymdarynyń shyǵystary 2,6 trln. teńge kóleminde josparlanyp otyr»,- dedi ol.
Onyń ishinde eń bastylary mynalar bolyp tabylady:
- Ulttyq qaýipsizdik strategıasyn iske asyrý;
- memlekettik qorǵanys tapsyrysy;
- azamattyq qorǵaý organdarynyń qyzmetkerlerine, áskerı qyzmetshilerdiń keıbir sanattary men joǵary oqý oryndary ýoqytýshylarynyń eńbekaqysyn arttyrý;
- ishki ister organdaryn qosymsha materıaldyq-tehnıkalyq jaraqtandyrý bolyp tabylady.
«Jalpy alǵanda memlekettiń qorǵanys qabileti men qaýipsizdigin qamtamasyz etý, quqyqtyq ártipti qorǵaý jáne ishki turaqtylyqty saqtaý jónindegi is-sharalar tolyq kólemde iske asyrylatyn bolady. 2024 jyly búdjettiń jalpy memlekettik shyǵystary 7,8 trln teńgeni quraıdy»,- dedi mınıstr.