Elimizde taǵy segiz kásibı mereke paıda bolmaq.
Eńbek jáne halyqty áleýmettik qorǵaý mınıstrilgi segiz kásiptik mereke tizbesin bekitý týraly mınıstr buıryǵynyń jobasyn ázirledi, dep habarlaıdy aqshamnews.kz QR EHÁQM baspasóz qyzmetine silteme jasap.
"Kásiptik merekeler tizbesin bekitý týraly» Qazaqstan Respýblıkasy Premer-Mınıstriniń orynbasary - Eńbek jáne halyqty áleýmettik qorǵaý mınıstriniń 2023 jylǵy 29 maýsymdaǵy № 258 buıryǵyna (normatıvtik quqyqtyq aktilerdi memlekettik tirkeý tiziliminde № 32924 bolyp tirkelgen),ıaǵnı bekitilgen kásibı merekeler tizbesine mynadaı ózgerister men tolyqtyrýlar engizilsin:
Qarjy monıtorıńi jónindegi organdar kúni – 28 qańtar
Teńiz jáne ózen kóligi qyzmetkerleriniń kúni – shildeniń birinshi jeksenbisi
Temirjol kóligi qyzmetkerleri kúni – tamyzdyń birinshi jeksenbisi
Baqylaý-ólsheý aspaptary jáne avtomatıka salasyndaǵy qyzmetkerler kúni – qyrkúıektiń ekinshi jeksenbisi
Qazaqstan Respýblıkasynyń tehnıkalyq jáne kásiptik, orta bilimnen keıingi bilim berý qyzmetkerleri kúni – 2 qazan
Avtomobıl kóligi qyzmetkerleri kúni– qazan aıynyń sońǵy jeksenbisi
Býhgalterlik esep jáne aýdıt salasyndaǵy qyzmetkerler kúni– 10 qarasha
Qylmystyq-atqarý júıesi qyzmetkerleriniń kúni– 13 jeltoqsan
Osy buıryq alǵashqy resmı jarıalanǵan kúninen keıin kúntizbelik on kún ótken soń qoldanysqa engiziledi.
Qujat 2024 jylǵy 23 jeltoqsanǵa deıin qoǵamdyq talqy úshin "Ashyq NQA" portalyna ornalastyrylǵan.