Qazaqstanda altynǵa suranys joǵary, biraq onyń baǵasy men saqtalý ádisteri jaıly kópshilik tolyq aqparatqa ıe emes. Áleýmettik jelilerde jıi kezdesetin pikirlerden altynnyń baǵasy men ony saqtaý joldaryna qatysty suraqtardyń kóbeıgenin baıqaýǵa bolady, dep habarlaıdy aqshamnews.kz
Altynnyń baǵasy jáne ereksheligi
Altyn — óte qymbat metal, jáne onyń baǵasy turaqsyz bolyp tur. Qazaqstan Ulttyq bankiniń resmı saıtynda 1 gram taza altynnyń qazirgi baǵasy 44 685 teńge dep kórsetilgen. Bul altynnyń arnaıy syrǵa-saqına túrindegi áshekeılerden aıtarlyqtaı aıyrmashylyǵy bar, sebebi ol óte taza altyn (synamasy 999,9).
Otandyq bankterde satylatyn altyn quımalardyń salmaǵy 5 gramnan bastalyp, 100 gramǵa deıin barady. Eger altyn quımalaryn satyp alǵyńyz kelse, tómendegi baǵalarǵa nazar aýdaraıyq:
- 5 gram — 223 425 teńge
- 10 gram — 446 850 teńge
- 20 gram — 893 700 teńge
- 50 gram — 2 234 250 teńge
- 100 gram — 4 468 500 teńge
Bul kórsetkishter altyndy saqtaý men satyp alýdyń qanshalyqty qymbat ári kúrdeli ekenin kórsetedi.
Altyndy qalaı saqtaý kerek?
Árkim altyndy qalaı jáne qaıda saqtaıtynyn ózi sheshedi. Úıde shaǵyn seıfte saqtaýǵa da múmkin, biraq bul tásil tolyq qaýipsiz dep aıtý qıyn. Eger altyndy qaýipsiz jerde saqtaý qajet bolsa, eń senimdi ádis — banktegi uıashyq. Biraq bul qyzmet aqyly jáne barlyq bankterde qoljetimdi emes.
Qazaqstandaǵy birqatar bankter seıfterdi usynady. Biraq olar ártúrli baǵada jáne kólemde bolady. Keıbir bankterde seıfterdiń mehanızmi men kólemine qaraı baǵa ózgerip otyrady:
- Mehanıkalyq seıf (1 kúnge — 400 teńge, 1 aıǵa — 5 000 teńge, 1 jylǵa — 39 000 teńge)
- Bıometrıalyq baqylaýy bar seıf (1 kúnge — 1 000 teńge, 1 aıǵa — 10 000 teńge, 1 jylǵa — 50 000 teńge)
Seıfter kólemi boıynsha da ártúrli:
- Kishi seıf (bıiktigi 100 mm deıin)
- Ortasha seıf (bıiktigi 101-294 mm deıin)
- Úlken seıf (bıiktigi 295-600 mm deıin)
Mysaly, birneshe altyn quımany saqtaıtyn kishi seıftiń quny 1 kúnge 400 teńge, al jylyna 39 000 teńge bolýy múmkin.
Altyn — senimdi ınvestısıa ma?
Altyndy ınvestısıa retinde qarastyrýǵa bolady, biraq onyń baǵasy turaqty emes. Ol birde ósip, birde túsip otyrady, biraq uzaq merzimde altyn ádette qymbattaıdy. Sońǵy úsh jyldaǵy altynnyń baǵasyn qarastyraıyq:
- 2021 jyly jeltoqsanda 1 gram altyn — 24 000 teńge
- 2022 jyly jeltoqsanda 1 gram altyn — 26 000 teńge
- 2023 jyly jeltoqsanda 1 gram altyn — 29 000 teńge
- 2024 jyly jeltoqsanda 1 gram altyn — 40 000 teńge
Búgingi kúni 1 gram altynnyń naqty quny — 44 685 teńge. Demek, sońǵy 3 jylda 1 gram altynnyń quny mınımým 20 000 teńgege ósken.
Eger siz 2021 jyly 480 000 teńgege 20 gram altyn satyp alsańyz, búgingi kúni onyń quny 893 700 teńge bolar edi.
Altyndy satyp alý men saqtaý — qymbat ári jaýapkershilikti talap etetin proses. Ol naryqtaǵy ózgeristerge baılanysty qunyn joǵarylatýy múmkin, biraq árkim úshin altynǵa salynǵan ınvestısıanyń tabysty bolatynyna kepildik joq. Sondyqtan altynǵa aqsha salýǵa tura ma, joq pa — ony árkim óz qajettilikterine jáne qarjylyq múmkindikterine qaraı sheshýi kerek.