Pandemıa kezinde onlaın oqytýdy búkil oqý oryndary keńinen paıdalandy. Úsh-tórt jyl buryn «onlaın», «oflaın» degen termın sózderin múldem qoldanbaıtynbyz. Qazir eki sózimizdiń birine aınalǵan bul termınder ustazdar qaýymynyń kúndelikti qoldanysyna endi.
Onlaın sabaq, onlaın jınalys, onlaın jumys qyzmetkerlerdi asa qaýipti jáne juqpaly kovıd-19 aýrýynan saqtady. Osyndaı zamanaýı sońǵy tehnologıalardyń ártúrli platformalary ýaqytyńdy josparlaýǵa, jumysyńdy, oqýyńdy, qoǵamdyq qyzmet jáne jeke sharýalaryńdy úılesimdi túrde atqarýǵa kómegin kóp tıgizdi. Bizdiń memleketimiz sıfrovızasıanyń úzdiksiz damýynyń arqasynda bul synaqtan abyroımen shyqty.
«Densaýlyq - basty baılyq» dep kovıdke qarsy ekpe alǵan ustazdar men stýdentter bıylǵy oqý jylyn oflaın túrde joǵarǵy oqý oryndarynda júzdesti. Máselen, otandyq bilim berý salasynyń kóshbasshysy ál-Farabı atyndaǵy QazUÝ onlaın men oflaın sabaqtaryn júrzgizý ústinde. Júrgizilip otyrǵan aýdıtorıadaǵy oflaın sabaqtary búkil sanıtarlyq talaptarǵa saı oryndaý arqyly ótkizilýde.
«Ashyq» júıesi arqyly ýnıversıtetke kirip, bilim alyp jatqan stýdentterdiń kóbi kovıdke qarsy ekpe alǵan.
Aldaǵy ýaqytta elimizde vaksınanyń kómegimen kovıd-19 dertinen qutylyp, bilim oshaqtarynda ustazdar men stýdentterdiń oflaın túrinde qaýyshatyn kún bolatynyna senimimiz mol.