2023 jyldan bastap sáýlet beınesine konkýrs jarıalanady
Qala óte tez ósti, sondyqtan megapolıs pen onyń turǵyndarynyń qajettilikterin qanaǵattandyrý úshin shuǵyl sheshimder qabyldaý kerek boldy. Onyń ústine, qala teńgerimsiz túrde ósti, óıtkeni, mıllıon adamǵa ǵana eseptelgen. Bul týraly Almaty ákimi Erbolat Dosaev Qazaqstannyń qala salýshylar Odaǵy uıymdastyrǵan XVIİ qala qurylysy forýmynda aıtty, dep habarlaıdy Almaty-akshamy.kz.
Ákim qalanyń damý josparyna jańadan qosylǵan aýmaqtar men Almatynyń jańa aýdandaryn qurý máselesi úlken túzetýler engizilgenin aıtty.
«Biz búgin damý barysynda izdenister ústindemiz. Qala «qalaı damyǵany jón» osyny anyqtaý qajet. Ár qala óziniń damý jolyn tańdaıdy. Aldyn ala aıtarym, aldaǵy dúısenbide qalaǵa qatysty mańyzdy sheshimder qabyldaıtyn máslıhat otyrysy ótetin bolady. Bul – qurylys erejelerin ózgertý jáne qalanyń qala qurylysy keńesin qaıtarý týraly sheshimder»,-dedi Dosaev.
Onyń aıtýynsha, kreatıvti ekonomıkany damytý reıtıńi boıynsha qala elimizde kóshbasshy pozısıaǵa ıe.
«Almaty turǵyndary óte daryndy. 2023 jyldan bastap sáýlet beınesine konkýrs jarıalanady. Biz endi bir nusqany qabyldamaımyz, Qala eń jaqsy jobalardy tańdaýǵa quqyly bolady. Bizde kompanıalar úshin jobalary bar jer aýksıondary uıymdastyrylady. Eń jaqsy jobany kim usynady, qala soǵan artyqshylyq beredi. Biz jobany maqsatty túrde alǵymyz keledi. Onyń ústine, men jeke ınvestısıalardyń rólin arttyrýdy qalaımyn, sondyqtan jeke menshik ıeleri qalaǵa, elge ǵana emes, ózderi úshin de qalatyn aktıvti alǵysy nemese salǵysy keledi»,-dedi ákim.
Almaty buryn salynǵan sáýlet jetistikterimen ómir súrýde. Biz olardy árleımiz ári retke keltiremiz, dedi qala basshysy óz sózinde.
«Shyn máninde, jańa Almatynyń, jańa Qazaqstannyń sımvolyna aınalǵan nárseler saýsaqpen sanarlyqtaı ǵana. Men qalada olardyń kóp bolǵanyn qalaımyn. Ol úshin biz jaǵdaı jasaımyz, turǵyn úı qurylysynyń shekarasyn naqty bólýimiz kerek. Sondaı-aq, qala arhıtektýrasy degen ne jáne turǵyn úımen qamtamasyz etý túrindegi áleýmettik problemalardy sheshý degen ne degen máseleni bólgen jón. Bas josparǵa sáıkes qala úshin jarǵy nemese kodeks bolýy jáne ony qatań saqtaý kerek. Sizder jasaǵan barlyq nárse bir jylǵa emes, on jylǵa, urpaqqa arnalǵan. Biz Eýropaǵa barǵanda, ondaǵy salynǵan qurylystardy kórip tań qalamyz ári sóz etemiz. Men Almaty týraly da osyndaı sózderdiń aıtylǵanyn qalaımyn»,-dedi E. Dosaev.