Jyl basynan beri Almaty qalasynyń kedenshileri 528 mln teńgeni zańsyz alyp ótpek bolǵan jeke tulǵalardyń jolyn kesti.
Almaty qalasy boıynsha memlekettik kirister departamentiniń málimetinshe, «Jetisý» keden beketiniń qyzmetkerleri osy kezeńde ÁQBtK-niń 551, 545-baptary boıynsha 103 ákimshilik materıal toltyrǵan, sondaı-aq qylmystyq quqyq buzýshylyq belgileri bar 13 fakt anyqtaǵan, dep habarlaıdy Almaty-akshamy.kz QazAqparat silteme jasap.
«Anyqtalǵan nemese deklarasıalanbaǵan qolma-qol aqsha qarajatynyń somasy 528 mln teńgeden asty, osy buzýshylyqtar boıynsha salynǵan aıyppul somasy - 3,2 mln teńge. Máselen, qańtarda Almaty-Abý-Dabı baǵytyndaǵy áýe reısiniń kedendik baqylaýynan ótkennen keıin ushyp shyǵý zalynda Qazaqstan azamaty tekserildi, onda 57 000 AQSH dollary mólsherinde deklarasıalanbaǵan qolma-qol aqsha bolǵan. Sol sıaqty aqpanda Almaty-Ystambul áýe reısine kedendik baqylaý júrgizý 97 000 AQSH dollary mólsherinde deklarasıalanbaǵan qolma-qol qarajat tabyldy. Materıaldar ekonomıkalyq tergeý departamentine berildi. Kúdiktilerge Qylmystyq kodekstiń 234-baby boıynsha qylmystyq is qozǵaldy», - dep jazdy vedomstvodan.
Departament ókilderi mamyrda Seýl-Almaty baǵytyndaǵy áýe reısiniń kedendik baqylaýynan ótkennen keıin ushyp shyǵý zalynda 12 000 AQSH dollary mólsherinde qolma-qol aqshasy bar turǵynnyń ustalǵanyn da málimdedi. Maýsymnyń basynda ushyp kelý zalynda Dýbaı-Almaty áýe reısinen túsken azamatty tekserý barysynda 23 200 AQSH dollary anyqtalǵan. Azamatsha ákimshilik quqyqbuzýshylyq úshin jaýapkershilikke tartyldy.