Fransıa ǵalymdary SARS-CoV-2 koronavırýsynyń jańa túrin tapty. Ol týraly derekter ázirge az dep habarlaıdy almaty-akshamy.kz QazAqparatqa silteme jasap.
Búǵan deıin Kamerýnnan kelgen saıahatshydan belgisiz shtamm tabylǵan edi. Ol Fransıanyń ońtústiginde kem degende 12 adamǵa juqtyryp úlgergen. Onyń testi «mýtasıanyń atıpti kombınasıasyn» kórsetti.
Koronavırýstyń jańa túrine ýaqytsha B.1.640.2 ataýy berildi. Ony Marseldegi Jerorta teńizi juqpaly aýrýlar ınstıtýtynyń ǵalymdary ashty. Jańa nusqadan 46 mýtasıa anyqtalǵan. Bul shtamm buǵan deıingi nusqalarǵa qaraǵanda qatty juqpaly bolýy múmkin. Ázirge ol týraly málimet az.
Qazirgi ýaqytta Fransıa aýmaǵynda koronavırýstyń «omıkron» shtamy órship tur. Aýyrǵandardyń 60 paıyzy sony juqtyrǵan. Pandemıa bastalǵan ýaqyttan beri elde 10 mln astam adam koronavırýs juqtyrdy.
3 qańtardan bastap Fransıada jańa ereje engizildi, oǵan sáıkes 6 jastan asqan balalar (buǵan deıin 11 jas) maska taǵýǵa mindetteldi. Budan bólek, Parıj ben Lıon sıaqty iri qalalarda kóshede qaıta maska taǵyp júrý kerek.