Koronavırýs pnevmonıasynan ólim-jitim tirkelmedi
Qazaqstanda koronavırýstan 3 adam qaıtys boldy, koronavırýs pnevmonıasynan ólim-jitim tirkelmedi. Bul týraly QR Densaýlyq saqtaý mınıstrliginen málim etti, dep habarlaıdy Almaty-akshamy.kz.
Vedomstvo aqparatyna sáıkes, 7 naýryzdaǵy ahýal boıynsha, el óńirlerinde koronavırýs belgileri bar pnevmonıamen 1 adam tirkelgen, qaıtys bolǵandar joq, 19 adam jazylyp shyqty.
Jalpy, 2020 jyldyń 1 tamyzynan bıylǵy 7 naýryzǵa deıin pnevmonıany 88 326 adam juqtyrdy, al jazylyp shyqqandardyń sany – 81927.
Budan bólek, 7 naýryzda koronavırýs ınfeksıasynan 3 adam kóz jumǵan. 2020 jyldyń 13 naýryzynan bıylǵy 8 naýryzǵa deıin qaýipti indet 1 304 012 adamnan anyqtalsa, 1 277 680 adam jazylyp shyqqan, al 13 635 naýqas qaıtys bolǵan.