Bul týraly Almatydaǵy S.D. Asfendıarov atyndaǵy QazUMÝ-diń medısınalyq-sanıtarlyq alǵashqy kómek bóliminiń meńgerýshisi, PhD fılosofıa doktory Dınara Mahanbetqulova onlaın brıfıń barysynda aıtty, dep habarlaıdy almaty-akshamy.kz
Onyń aıtýynsha, koronavırýspen jeńil, orta, aýyr deńgeıde aýyrǵan naýqastar ońaltýdy qajet etedi. Ońaltý stasıonar deńgeıinen bastalý kerek. Ońaltý kompleksti, rasıonaldy túrde, búkil klınıkalyq erekshelikterdi, psıhologıalyq faktorlardy eskere otyryp júrgizilýi kerek.
«Naýqas stasıonardan shyqqan soń, emhanaǵa keledi. Onda dárigerler naýqasty reabılıtasıalyq ortalyqtarǵa jiberedi jáne qajetti dáriler men ońaltý usynystaryn beredi. Osydan keıin naýqas sanatorlyq-kýrorttyq kezeńnen ótýi tıis. Aýyrǵan soń aýrý deńgeıine baılanysty bul naýqastar emhana deńgeıinde ýchaskelik dárigerde esepte turady», - dedi ol.