Bul - monarhtyń patshaıym Elızaveta II qaıtys bolǵannan keıin jasalǵan alǵashqy málimdemesi.
Ulybrıtanıanyń jańa patshasy Charlz III alǵashqy málimdemesin jasady, dep habarlaıdy Almaty-akshamy.kz RBK saıtyna silteme jasap.
«Anamyzdyń qaıtys bolýy men úshin jáne bizdiń otbasymyzdyń barlyq músheleri úshin úlken qaıǵy boldy. Aza tutýdyń bul kezeńinde men jáne meniń otbasym patshaıymnyń qurmetine qoldaý kórsetemiz. Onyń qazasyn búkil el jáne álemdegi sansyz adamdar tereń sezinetinin bilemin», - delingen patshanyń habarlamasynda.
Aıta ketsek, Karl III Ulybrıtanıa monarhy ǵana emes, sondaı-aq taǵy 14 táýelsiz memlekettiń patshasy atandy. Olar: Avstralıa, Antıgýa jáne Barbýda, Bagam araldary, Belız, Grenada, Kanada, Jańa Zelandıa, Papýa-Jańa Gvıneıa, Sent-Vınsent jáne Grenadın, Sent-Kıts jáne Nevıs, Sent-Lúsıa, Solomon araldary, Tývalý jáne Iamaıka.