Zań jobasy 2022 jylǵy sáýirde ázirlenedi.
Ádilet mınıstri Qanat Mýsın búgin Úkimet otyrysynda Konstıtýsıaǵa engiziletin ózgeristerdi aıtty, dep habarlaıdy Almaty-akshamy.kz
Ózgerister:
- Prezıdent ókilettigi;
- onyń laýazymda bolýyna baılanysty shekteýler;
- Ortalyq saılaý komısıasynyń, Esep komıtetiniń, Konstıtýsıalyq Keńestiń tóraǵalary men músheleriniń saıası partıalardan shyǵýy;
- Parlament Senaty men Májilisin qalyptastyrý tártibi jáne onyń fýnksıalary,
- respýblıkalyq búdjettiń atqarylýyn baqylaý jónindegi Esep komıtetin Joǵary Aýdıtorlyq Palataǵa qaıta qurý;
- máslıhattardy qalyptastyrý tártibi;
- azamattardyń, Bas prokýrordyń jáne adam quqyqtary jónindegi ýákildiń de ótinish jasaýyna múmkindik bere otyryp, Konstıtýsıalyq Sot qurý;
- ólim jazasyn joıý týraly sheshimdi Konstıtýsıada bekitý máseleleri boıynsha ózgerister engizý.
«Zań jobasy 2022 jylǵy sáýirde ázirlenedi dep josparlanyp otyr», - dedi mınıstr.
Budan bólek Konstıtýsıalyq zańdarǵa jáne basqa zańdarǵa mynadaı ózgerister engiziledi:
- ákimder men olardyń orynbasarlaryna partıa fılıaldarynda qyzmet atqarýǵa tyıym salý;
- Parlament Senaty men Májilisin qalyptastyrý tártibi jáne onyń fýnksıalary,
- Konstıtýsıalyq Keńestiń jáne Joǵary Sot Keńesiniń tóraǵalary qyzmetine kandıdatýralardy kelisý;
- Joǵary Aýdıtorlyq Palata qurý týraly;
- máslıhattardy qalyptastyrý tártibi men olardyń fýnksıalary;
- saıası partıalardy tirkeý rásimin ońaılatý;
- prokýratýra men Adam quqyqtary jónindegi ýákil qyzmetiniń máseleleri boıynsha;
- saılaý prosesin jetildirý;
- alqabıler sotynyń qatysýymen ister sanattaryn keńeıtý;
- buqaralyq aqparat quraldary týraly zańdy qaıta qaraý;
- jergilikti ózin-ózi basqarý máseleleri boıynsha ózgerister engizý.
«Bul boıynsha 2022 jylǵy tamyzda zań jobasy ázirlenedi dep josparlanyp otyr», - dedi mınıstr.