Almaty qalasy Jastar saıasaty basqarmasynyń qoldaýymen, jastarǵa tamaqtaný, demalys ortalyqtaryna jeńildikter usynatyn «Activity BOOM» jobasy jumysyn jalǵastyrýda, dep habarlaıdy aqshamnews.kz
Arnaıy ázirlengen dıskonttyq karta qala jastary úshin qoǵamdyq kólik, meıramhanalar, kıim dúkenderi, sulýlyq salony, sapaly taý shańǵy jabdyqtaryn jalǵa usynatyn dúkender jelisine jeńildikter usynady. Bul kartany alý úshin tek komúnıtı ortalyqtarynyń rezıdenti bolý jetkilikti. Kartany Jas.Almaty platformasyna tirkep, jeńildikterdi QR kod arqyly ońaı paıdalanýǵa bolady. Atalmysh kartany bolyp alǵan stýdentter óz áserlerimen bólisti.
«Men «Activity BOOM» kartasyn Jetisý aýdanyndaǵy komúnıtı ortalyqtan aldym. Biz dostarymyzben taýǵa jıi shyǵamyz. Taýǵa shyǵatyn kerek jaraqty jalǵa beretin dúkenniń bar bolǵany biz úshini keremet jańalyq boldy. Dostarym da osyndaı karta alǵysy keledi!», - dedi qalamyzdyń stýdentteriniń biri Sultan Edigeev.
Qazirgi tańda «Activity BOOM» 30-dan astam seriktespen jumys isteıdi. Olardyń arasynda «FOOTLAB» fýtbol ortalyǵy, «Tobe» taý shańǵy jabdyqtaryn jalǵa alý ortalyǵy, Almaty OWL COFFEE, «Maestro» kıim dúkeni, Weekend lounge, «Aeka posh» sulýlyq salony, «Puff n Play» jáne «Z CLUB» oıyn klýbtary jáne t.b bar. Seriktesterdiń tolyq tizimi men jeńildik paıyzyn JasAlmaty.kz saıtynyń mobıldi nusqasynan kóre alasyzdar.
Jastar saıasaty basqarmasynyń málimetinshe 2025 jyldyń sońyna deıin 50 000-nan astam jas almatylyq atalmysh kartaǵa ıe bolady.