2023 jyldyń qarasha aıynyń qorytyndysy boıynsha, Qazaqstanda avtokóliktiń ortasha baǵasy 2,3 paıyzǵa tómendedi, dep habarlaıdy almaty-akshamy.kz.
21 jeltoqsanda "Qazaqstan avtokólik odaǵy" komersıalyq emes uıymynyń habarlaýynsha, qarasha aıynyń sońynda Qazaqstanda avtokóliktiń ortasha baǵasy 14 mıllıon 810 myń teńgege deıin tómendegen. Bul kórsetkish 2022 jyldyń qarasha aıynda 15 mln 160 myń teńge bolǵan.
Osyǵan oraı elde avtokólik saýdasy artyp keledi. Qarasha aıynda Qazaqstanda 17 538 jeńil jáne jeńil komersıalyq kólik, sondaı-aq 1 429 júk kóligi men avtobýs satyldy. Bul 2022 jylǵy qarashamen salystyrǵanda 54,1%-ǵa kóp. Jalpy jyl basynan beri qazaqstandyq dılerler 175 255 kólik satqan.
2023 jylǵy qarashadaǵy jaǵdaı boıynsha Qazaqstanda eń kóp satylǵan avtomobıl brendteri:
- Chevrolet (4243 avtomobıl, jylyna +35,7%),
- Hyundai (3605, +16,9%),
- Kia (2101, +22,3%),
- Toyota (1252, +79,4%),
- Chery (1218, +58,8%).
Qarashadaǵy eń tanymal modelder:
- Chevrolet Cobalt,
- Hyundai Tucson,
- Chevrolet Onix,
- Hyundai Santa Fe,
- Chery Tiggo 2.
2023 jyldyń 11 aıynyń qorytyndysy boıynsha satý rekordy Hyundai brendine tıesili (42 038 avtomobıl), Chevrolet ekinshi orynda (40 011), úshinshi orynda – Kia (23 070).