Búgin Májiliste "Quqyq buzýshylyq profılaktıkasy týraly" Zań jobasynyń birinshi oqylymy ótti. Depýtat Amanjol Áltaı qazaq kınosyn synap tastady, - dep habarlaıdy Aqshamnews.kz tilshisi.
"Quqyq buzýshylyq profılaktıkasy nátıjeli bolýy úshin jastar tutynatyn aqparatty durystaýymyz kerek. Qazaqı tilmen aıtqanda, kórgeni men estigeni durys bolýy qajet. Qazaq bolamyn deseń, ekranyńdy durysta. Keıde maǵan qazaq kınosynyń ary men uıaty keshegi Sháken Aımanovpen birge ketkendeı kórinedi. Jańa qazaq kınosynda tálim men tárbıege qaıshy dóreki sózder kóbeıdi. Sondyqtan mundaı kemshilikterdi prokatqa shyqpaı turyp túzetý qajet dep oılaımyn. Óıtkeni bul búgingi qoǵamdaǵy buzaqylyqqa ıtermeleıtin túrli teris áreketterge alyp keledi. Bul - biz jastardy estigeni men kórgenin durystaı almaı jatyrmyz degen sóz. Biz teris áreketterge tosqaýyl qoıýymyz kerek", - dedi ol.
Depýtat sóz sońynda quzyrly organdardy birlesip jumys isteýge shaqyrdy.