Almaty Qazaqstannyń jetekshi ınvestısıalyq ortalyqtarynyń biri retindegi mártebesin dáleldep otyr. Bıyl qańtar-qyrkúıek aılarynyń qorytyndysy boıynsha qalanyń negizgi kapıtalyna 1,5 trln teńge ınvestısıa tartyldy, onyń ishinde jeke sektor úlesi – 1,1 trln teńge.
Búginde shaharda jalpy quny 3,6 trln teńgeden asatyn 189 ınvestısıalyq joba júzege asyrylyp jatyr. Bul bastamalar 33 myń jańa jumys ornyn ashyp, qalanyń ekonomıkalyq damýyna qýatty serpin bermek.
Shaǵyn jáne orta bıznes qala ekonomıkasynyń negizgi tiregi bolyp qalyp otyr, olar barlyq jumys oryndarynyń jartysyn qamtamasyz etedi. 2025 jyly kásipkerlikti qoldaýǵa 50 mlrd teńgeden asa qarjy bólindi, bul respýblıka boıynsha eń joǵary kórsetkish.
Almaty týrıser úshin de tartymdylyǵyn saqtap keledi. 2025 jyldyń alǵashqy jartyjyldyǵynda megapolıske 1 mıllıonnan astam týrıs keldi. Týrızm qalanyń ekonomıkalyq qurylymynda mańyzdy baǵytqa aınalyp, bıznes úshin jańa múmkindikter ashyp otyr.