600-den astam kirme temirjoly «Kóliktik servıs ortalyǵy» Aksıonerlik Qoǵamynyń senimgerlik basqarýyna berildi.
Kirme joldardy tehnıkalyq paıdalaný qaǵıdalarynyń talaptaryna sáıkes olardy jóndep, qalypqa keltirý jospary bekitildi. Qalypqa keltirý jumystary kestege sáıkes júrgizilýde, dep habarlaıdy almaty-akshamy.kz Kólik mınıstrligine silteme jasap.
Máselen, shamamen 22 myń shpal, 42 myńnan astam temirjol tósemi men 3 myńǵa jýyq brýs jáne basqa materıaldar aýystyryldy. Budan basqa, «TUVRheinland» halyqaralyq kompanıasymen jasalǵan shartqa sáıkes «KSO» AQ sapa menedjmenti, densaýlyq saqtaý jáne eńbek qaýipsizdigi júıeleri boıynsha alǵash ret sertıfıkattaldy.
Esterińizge sala keteıik, «KSO» AQ aksıalarynyń júz paıyzdyq paketi respýblıkalyq memlekettik menshikte. Bul kompanıa jyljymaly quramnyń ótýi, manevrlik jumystar, tıeý-túsirý, sondaı-aq jyljymaly quramnyń turaǵy úshin kirme joldardy usyný boıynsha qyzmetter kórsetedi.