Naqtyraq aıtqanda, 5-8 jáne 10-synyp oqýshylary qazaq tilinen emtıhan tapsyrady.
Buǵan deıin bul usynys qazaq tili muǵalimderiniń sezinde jáne Oqý-aǵartý mınıstriniń qatysýymen ótken muǵalimder qaýymdastyǵy ókilderiniń kezdesýinde aıtylǵan, dep habarlaıdy Almaty-akshamy.kz.
«Qazaq tili» páninen emtıhandy 5-8, 10-synyp oqýshylary tapsyrady. Mundaı ózgerister kelesi (2023-2024) oqý jylynan bastap engiziledi. Buǵan deıin qazaq tilinen emtıhandy tek 9 jáne 11-synyp oqýshylary ǵana tapsyratyn. Olar da osy pánnen emtıhan tapsyrýdy jalǵastyrady», - dep jazdyOqý-aǵartý mınıstrliginiń baspasóz qyzmeti.
Qazaq tilinen emtıhan jazbasha jáne aýyzsha túrde ótedi. Tyńdaý, aıtý, oqý jáne jazý sıaqty daǵdylar baǵalanady. Emtıhan tapsyrmalaryn oqytýshylar akademıalyq adaldyq qaǵıdattaryn saqtaı otyryp ózderi qurastyrady.
Pán boıynsha qorytyndy baǵa 5-8, 10-synyptarda emtıhan jáne jyldyq baǵalaý qorytyndylary boıynsha qoıylady.