Kelip túsken ótinish negizinde Mańǵystaý oblysynyń jer resýrstaryn basqarý departamentimen jaýapkershiligi shekteýli seriktestikke qatysty jospardan tys tekserý júrgizildi.
Nátıjesinde munaı termınalynyń qurylysyn salý jáne ornalastyrý úshin arnalǵan jalpy aýdany 50,0 gektar jer ýchaskesi uzaq ýaqyt boıy nysanaly maqsaty boıynsha paıdalanylmaı kelgeni anyqtaldy, dep habarlaıdy aqshamnews.kz.
Aýyl sharýashylyǵy mınıstrliginiń málimetinshe, kadastrlyq (baǵalaý) quny – 445,0 mln.teńgeni quraıtyn jer ýchaskesi Kaspıı teńiziniń jaǵalaýyndaǵy Qaraqıa aýdanynda ornalasqan.
Jer ýchaskesiniń menshik ıesine jer zańnamasynyń talaptaryn buzýshylyqtardy joıý týraly nusqama berildi. Jyl aıaqtalǵannan keıin nusqama talaptaryn oryndamaǵany úshin seriktestikke 345,0 myń teńge kóleminde aıyppul túrindegi ákimshilik shara qoldanyldy.
Sonymen qatar Departamenttiń jer ýchaskesin memleket menshigine májbúrlep alyp qoıý týraly talap-aryzy sotpen qanaǵattandyrylyp, sot sheshimi zańdy kúshine endi.