Óz kásibin bastaý úshin 1,5 myń adam memlekettik grant aldy.
Bıylǵy 1 shildedegi jaǵdaı boıynsha, 2021-2025 jyldarǵa arnalǵan kásipkerlikti damytý jónindegi ulttyq jobaǵa 284 myń adam qatysty. 233, 3 myń adam jumysqa ornalasty. Onyń 131,3 myńy turaqty jumysqa ornalasty, dep habarlaıdy Almaty-akshamy.kz.
Jumys berýshilerdiń ótinimderi boıynsha kásiptik oqytýǵa 5,6 myń adam jiberildi.
«Sýbsıdıalanatyn jumys oryndaryna 102 myń adam ornalastyryldy. Onyń ishinde áleýmettik jumys oryndarymen 12,1 myń, jastar praktıkasymen 9,7 myń, qoǵamdyq jumystarmen 77,7 myń adam, «Alǵashqy jumys orny» jobasy aıasynda 1,4 myń, «Urpaqtar kelisimsharty» jobasy aıasynda 182 adam, «Kúmis jas» jobasy aıasynda 816 adam jumyspen qamtyldy»,- delingen Eńbekmıni baspasóz qyzmetiniń habarlamasynda.
Sondaı-aq qyzmet salasyn tańdaý maqsatynda 34 myńnan astam adam áleýmettik kásiptik baǵdarlaýdan ótti.
Eske salaıyq, buǵan deıin halyqty jumyspen qamtýǵa arnalǵan sharalar Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda júzege asyryldy. 2021 jyly baǵdarlamaǵa 651,8 myń adam qatysty.
Memlekettik baǵdarlamaǵa qatysýshylar turaqty jáne sýbsıdıalanatyn jumys oryndarymen qamtyldy. Sondaı-aq olarǵa kásipkerlikti damytý úshin mıkronesıe men qaıtarymsyz memlekettik grant berilip, qoldaý kórsetildi. Qysqa merzimdi kýrstarda jáne kásiptik-tehnıkalyq uıymdarda oqytyldy.
Budan bólek, «Eńbek» baǵdarlamasyndaǵy baǵyttardyń biri aıasynda jumys kúshi kóp aımaqtardan jumys kúshi jetispeıtin aımaqtarǵa kóshirildi.