Qazaqstan kınopavılony kıiz úı ispettes
Fransıadaǵy 76-shy Halyqaralyq Kann kınofestıvalinde qazaqstandyq kınopavılon jumys istep tur, dep habarlaıdy Almaty-akshamy.kz «Habar 24» telearnasyna silteme jasap.
Ol 16 mamyrdan beri kórermenderdi qabyldap jatyr. Degenmen saltanatty ashylý rásimi búginge josparlanǵan. Resmı túrde ótetin pavılonnyń tusaýkeserine Mádenıet komıteti kınemotagrafıa bóliminiń basshysy Ǵanı Muratov, Qazaq ulttyq óner ýnıversıtetiniń rektory, Halyq ártisi Aıman Musahodjaeva jáne Kann syılyǵynyń laýreaty, aktrısa Samal Eslámova qatysady.
Jalpy qazaqstandyq kınopavılon kıiz úı ispettes. Onda elimizdiń mádenıetin tanytatyn buıymdar ornalastyrylǵan. Al kınolentalar men jolaqtarda otandyq fılmderdiń úzdik kadrlary beınelengen.
«Bıyl kınopavılon erekshe bezendirildi. Qazaqylyqtyń ıisi ańqyp tur desek bolady. Al jalpy kınonaryqta 20-dan astam eldiń kınoındýstrıa ókilderi qatysyp jatyr. Bul degenimiz – 200-den astam kınoprodúser baq synaıdy degen sóz. Halyqaralyq festıvál qatysýshylarǵa úlken múmkindik beredi», - dedi QR Mádenıet jáne sport mınıstrligi komıtetiniń bólim basshysy Ǵanı Muratov.