Erjan Babaqumarov jasóspirimder arasyndaǵy quqyqbuzýshylyqtyń aldyn alý boıynsha ÚEU-men yntymaqtastyqty kúsheıtýdi tapsyrdy
Almaty qalasy ákiminiń orynbasary Erjan Babaqumarovtyń tóraǵalyǵymen beınekonferensbaılanys rejıminde kámeletke tolmaǵandardyń isi jáne olardyń quqyǵyn qorǵaý jónindegi qalalyq vedomstvoaralyq komısıasynyń otyrysy ótti dep habarlaıdy almaty-akshamy.kz
Basty maqsat – bıylǵy 9 aıdyń qorytyndysy boıynsha jasalǵan taldaý nátıjeleri negizinde kámeletke tolmaǵandar arasyndaǵy quqyqbuzýshylyqtyń aldyn alýǵa baǵyttalǵan is-sharalardyń tıimdiligin odan ári arttyrý boıynsha tıisti shara qabyldaý.
Kámeletke tolmaǵandar arasyndaǵy quqyqbuzýshylyqtyń aldyn alý maqsatynda 11 jalpyqalalyq jedel-profılaktıkalyq is-sharalar júrgizildi. Kámeletke tolmaǵandardyń isteri jáne olardyń quqyǵyn qorǵaý jónindegi komısıa otyrystarynda kámeletke tolmaǵandardyń múddesi úshin túrli faktiler boıynsha 247 materıal qaraldy. Kámeletke tolmaǵandardyń oıyn-saýyq mekemelerinde (22.00-den keıin) jáne turǵyn úı-jaılardyń syrtynda (23.00-den keıin) túnde zańdy ókilderiniń erip júrmeýi úshin 4546 ata-ana ákimshilik jaýapkershilikke tartyldy. 26 ata-anaǵa ata-ana quqyǵynan aıyrý túrindegi tótenshe shara qoldanyldy, 252 ata-ana bala tárbıesi boıynsha mindetterin tıisinshe oryndamaǵany úshin ákimshilik jaýapkershilikke tartyldy. Kámeletke tolmaǵan 473 bala qıyn ómirlik jaǵdaıdaǵy balalardy qoldaý ortalyǵyna jatqyzyldy. Kámeletke tolmaǵandar polısıasynyń málimetinshe, jalpy qala boıynsha kámeletke tolmaǵandarǵa qatysty qylmystar 2,6% tómendegen.
Otbasy qıyn ómirlik jaǵdaıǵa tap bolǵan kámeletke tolmaǵandarǵa psıhologıalyq qoldaý kórsetýge erekshe nazar aýdarylady.
Almaty qalasynyń aýdandary turǵysynda júrgizilgen jumystar men zańsyz áreketter faktileri boıynsha qabyldanǵan sharalar týraly esepter tyńdaldy.
Jumysty jetildirý boıynsha aıtylǵan usynystardyń ishinde – kámeletke tolmaǵandar arasyndaǵy qylmystyń aldyn alý máseleleri boıynsha jobalardy iske asyrýǵa úkimettik emes uıymdardy tartý. Ákimniń orynbasary Erjan Babaqumarov birlesip jumys isteý tetigin, onyń ishinde qylmystyń aldyn alý máselesi boıynsha ÚEU úshin memlekettik áleýmettik tapsyrysty ornalastyrý jolymen jáne mektep psıhologtaryna "qaýip-qater tobyndaǵy" tulǵalardy anyqtaýdyń jańa quraldaryn engizý boıynsha ádistemelik jáne praktıkalyq kómek kórsetý jáne olarmen jumys isteý tetigin pysyqtaýdy tapsyrdy. Sondaı-aq kámeletke tolmaǵandar arasynda jáne olarǵa qatysty qylmystyń aldyn alý jónindegi úılestirý keńesiniń jumys aıasyn keńeıtý múmkindigi qaralatyn bolady.