Tótenshe jaǵdaılar departamenti órt qaýipsizdigin saqtaýǵa shaqyrdy.
Almaty oblysynyń aýmaǵynda «Turǵyn úı sektoryndaǵy órt qaýipsizdigi senbiligi» ótti, dep habarlaıdy Almaty-akshamy.kz.
Turǵyn úılerdegi órtterdiń aldyn alý jáne boldyrmaý maqsatynda Almaty oblysy TJD qyzmetkerleri aǵymdaǵy jyldyń 15 tamyzy men 15 qazany aralyǵynda Almaty oblysynyń aýmaǵynda jylytý maýsymyna daıyndyq boıynsha «Órt qaýipsizdigi aılyǵyn» ótkizedi.
Aılyq aıasynda Almaty oblysy TJD qyzmetkerleri polısıa qyzmetkerlerin, gaz qyzmetteriniń jumysshylaryn, eriktilerdi jáne jergilikti atqarýshy organdardy tarta otyryp, Almaty oblysy aýmaǵynda «Turǵyn úı sektoryndaǵy órt qaýipsizdigi senbiligin» ótkizdi. Senbilikti ótkizý barysynda 600-den astam adam jumyldyrylǵan. Turǵyndarǵa 8000 danadan astam jadynamalar taratylyp, halyqpen nusqaýlyqtar jáne áńgimelesýler júrgizildi.
«Esterińizge sala keteıik, ótken 2020-2021 jyldardyń jylytý kezeńinde Almaty oblysynyń aýmaǵynda 445 turmystyq órt oryn aldy, onyń ishinde eń kóp órtter jylytý peshterin ornatý jáne paıdalaný kezinde, elektr jabdyqtaryn montajdaý men tehnıkalyq paıdalaný kezinde jáne turmystyq elektr quraldaryn paıdalaný kezindegi órt qaýipsizdigi erejelerin buzý sebebinen bolǵan. Sizderden barlyq órt qaýipsizdigi erejelerin saqtaýdy suraımyz», - dep málimdedi Almaty oblysy TJD.