Ortalyqtardyń jańa týǵan nárestelerdegi patologıany der kezinde anyqtap, emdeýge múmkindigi bolady.
Úkimet basshysy Álıhan Smaıylovtyń tóraǵalyǵymen ótken kezekti Úkimet otyrysynda múgedektigi bar adamdardyń turmys sapasyn jaqsartý boıynsha qabyldanyp jatqan sharalar qaraldy, dep habarlaıdy Almaty-akshamy.kz.
Bıyl jyldyń basynan beri múgedektikti syrttaı belgileýdiń pılottyq jobasy respýblıka boıynsha keńeıtildi.
Áleýmettik qyzmetter portalynyń arqasynda tehnıkalyq quraldar men emdik-saýyqtyrý qyzmetterin alý merzimi 8 aıdan 30 kúnge deıin qysqardy.
Jyl sońyna deıin 17 erte ońaltý-aralasý ortalyǵy ashylady. Olar jańa týǵan nárestelerdegi patologıany der kezinde anyqtaýǵa jáne ýaqytyly emdeýge múmkindik beredi.
Óńirlerde múgedektigi bar adamdarǵa arnalǵan 12 saýyqtyrý ortalyǵyn salý jumystary júrip jatyr.
«Bizdiń mindetimiz —múgedektigi bar adamdar úshin ómir súrýge qolaıly orta qalyptastyrý», - dedi Á. Smaıylov.