Bul týraly İİM-niń brıfıńinde aıtyldy.
Internet alaıaqtary 7 mlrd teńge shyǵyn keltirgen, dep habarlaıdy Almaty-akshamy.kz Baq.kz- ke silteme jasap.
«Jyl basynan beri elimizde 12 myńǵa jýyq ınternet-alaıaqtyq tirkeldi. Qylmyskerlerdiń kesirinen 7 mlrd teńge shyǵyn keltirildi. 571 ınternet-alaıaq ustalyp, 17 uıymdasqan qylmystyq top joıyldy. Internet-alaıaqtyqtyń eń kóp tirkelýi Nur-Sultan (2295), Almaty (1486) qalalary men Qaraǵandy oblysynda (1150) baıqalady.İİM ınternet-alaıaqtyqtyń aldyn alý úshin eskertýler sıpatyndaǵy SMS-ter jiberýdi bastady», - dedi Shuǵyla Turlybek.
Ol atap ótkendeı, SMS arqyly alaıaqtyq týraly halyqty biryńǵaı habardar etý týraly 4 tamyzda İshki ister mınıstriniń Sıfrlyq damý mınıstrliginiń ókilderimen jáne baılanys operatorlarymen kezdesýinde aıtylǵan bolatyn.
«Mobıldi baılanys Qazaqstannyń árbir turǵynyna turǵylyqty jáne ornalasqan jerine qaramastan qoljetimdi bolǵandyqtan, SMS arqyly alaıaqtyq faktileri týraly aqparat berý azamattardy jedel habardar etýge múmkindik beredi. Qazirgi ýaqytta Kcell qoldanýshylaryna eskertpe SMS-ter jiberildi. Taratý júıesiniń shekteýlerine baılanysty SMS mátinderindegi tańbalar sany shekteýli. Sondyqtan habarlama mátini qysqartylǵan. İshki ister mınıstrligi barsha azamattardy saq bolýǵa shaqyrady», - dedi ol.