Qazaqstan kolejderi halyqaralyq yntymaqtastyq pen akademıalyq utqyrlyqty belsendi damytyp keledi. 2025 jyly shetelde elimizdiń 10 kolejinen 150-den astam stýdent bilim alyp, tájirıbeden ótti, - dep habarlaıdy Aqshamnews.kz QR Oqý-aǵartý mınıstrliginiń baspasóz qyzmetine silteme jasap.
Baǵdarlamalar tehnıkalyq jáne kásiptik bilim berý júıesin 2025–2027 jyldarǵa transformasıalaý jónindegi Jol kartasy jáne Jumysshy mamandyqtar jyly aıasynda júzege asyrylýda.
Negizgi maqsat — tájirıbe almasý, zamanaýı tehnologıalardy meńgerý jáne bolashaq mamandardyń eńbek naryǵynda básekege qabilettiligin arttyrý.
Qazaqstandyq stýdentter tamaqtaný, servıs, IT, energetıka, ınjınırıń, dızaın jáne avtomehanıka baǵyttary boıynsha Túrkıa, Qytaı, Qyrǵyzstan, Fransıa, Ispanıa, Ońtústik Koreıa, Ózbekstan, Ulybrıtanıa, Germanıa jáne Shveısarıa elderinde qysqa merzimdi kýrstardan, tájirıbeden jáne taǵylymdamadan ótti - deıdi tehnıkalyq jáne kásiptik bilim departamentiniń dırektory Áset Mýhanbetov.
Akademıalyq utqyrlyq Qazaqstannyń tehnıkalyq jáne kásiptik bilim berý júıesin álemdik bilim berý keńistigine yqpaldastyrý jolyndaǵy mańyzdy qadam bolyp tabylady.