Tanymal jýrnalıs, qalamger, "Alash" syılyǵynyń laýreaty Qaıym-Munar Tabeev ómirden ótti, - dep habarlaıdy Aqshamnews.kz tilshisi.
Qaıǵyly habardy Mádenıet jáne aqparat mınıstrliginiń baspasóz qyzmeti ókilderi jetkizdi.
"Mınıstrlik kórnekti qalamger, kósemsóz sheberi, Halyqaralyq "Alash" ádebı syılyǵynyń laýreaty, Qazaqstannyń Qurmetti jýrnalısi Qaıym-Munar Tabeevtiń mezgilsiz qaıtys bolýyna baılanysty marqumnyń otbasy men týǵan-týystaryna kóńil aıtady.
Qaıym-Munar Turdaqynuly qazaq ádebıeti men jýrnalısıkasynyń damýyna eleýli úles qosyp, el rýhanıaty jolynda qaltqysyz qyzmet etti. Onyń qalamynan týǵan maqalalary, Jeltoqsan oqıǵasy týraly zertteýleri, sondaı-aq ulttyq ádebıetimizdiń qazynasyn baıytqan shyǵarmalary el jadynda máńgi saqtalady dep senemiz. Ultyna adal qyzmet etken abzal azamattyń jany jánnatta, ımany salamat bolǵaı", -delingen habarlamada.
Qaıym-Munar Tabeev Qazaq ulttyq agrarlyq zertteý ýnıversıtetiniń ıýaspasóz qyzmetiniń jetekshisi, Qazaqstan Jýrnalıser jáne Jazýshylar Odaqtarynyń múshesi, Halyqaralyq "Alash" ádebı syılyǵynyń laýreaty,
Qazaqstannyń Qurmetti jýrnalısi bolǵan edi.