Patrıot kúní: 11 qyrkúıektíń qaıǵyly estelígí
Patrıot kúní (Patriot Day) – AQSh-ta jyl saıyn 11 qyrkúıekte atalyp ótetín aza tūtu kúní. Būl kún – 2001 jylǵy qaıǵyly oqıǵalardyń, lańkestík shabuyldarda qaza tapqan myńdaǵan adamnyń estelígí.
11 qyrkúıek oqıǵasyna bıyl - 14 jyl.
Būl kúní «Ál-Kaıda» (Qazaqstanda tyıym salynǵan) terrorıstík ūıymy tórt jolaushy ūshaǵyn basyp alǵan edí.
Ekí ūshaq Nyu-Iorktegí Dúnıejúzílík sauda ortalyǵynyń «egíz mūnaralaryna» soǵylyp, ǵımarattar opyrylyp tústí. Úshínshí ūshaq Vashıngtondaǵy Pentagonǵa qūlady. Tórtínshí ūshaq Pensılvanıyada jerge soǵyldy – onda jolaushylar lańkesterge qarsy áreket etken.
Shabuyldar saldarynan shamamen 3000 adam qaza tapty. Qūrbandardyń arasynda 90-nan astam eldíń azamattary boldy.
Eske alu kúní qalaı paıda boldy?
- 2001 jylǵy 18 jeltoqsanda AQSh kongresí arnaıy akt qabyldap, 11 qyrkúıektí «Patrıot kúní» dep bekíttí.
- 2009 jyldan bastap būl kún «Qyzmet pen eske aludyń ūlttyq kúní» mártebesín aldy. Onyń bastamashylary – sol kúní tuǵan-tuystarynan aıyrylǵan otbasylar.
Jyl saıyn 11 qyrkúıekte AQSh-ta tańǵy 8:46-da (shyǵys uaqyty boıynsha) bír mınut únsízdík jarıyalanady. Dál osy uaqytta Dúnıejúzílík sauda ortalyǵynyń soltústík mūnarasyna alǵashqy ūshaq soǵylǵan edí.