2023 jyldyń basynan beri jol jumysshylarynyń jalaqysy 30 paıyzǵa kóterildi.
Eńbekaqysy artqan qyzmetkerlerdiń qataryna respýblıkalyq mańyzdaǵy tasjoldar jelisin táýlik boıy kútip-ustaýmen aınalysatyn negizgi óndiristik personal qyzmetkerleri men qosalqy óndiris qyzmetkerleri jatady, dep habarlaıdy Almaty-akshamy.kz.
«Esterińizge sala keteıik, qys mezgiliniń basynan beri jol qyzmetteri kúsheıtilgen jumys rejımine aýystyryldy. Jol jumysshylary kúndiz-túni qysqy kútip-ustaý jumystaryn atqaryp, jolda qıyn jaǵdaıǵa tap bolǵan respýblıkalyq trassalardy paıdalanýshylarǵa kómek kórsetý jumystaryn jalǵastyryp júr», - delingen «QazAvtoJol» UK habarlamasynda.
Aıta keteıik, qańtar aıynda respýblıkalyq mańyzdaǵy avtojoldardyń 17 myń sharshy metri kóktaıǵaqqa qarsy qum men tuz qospasymen óńdeldi.