Búgin qoǵamdyq kóliktiń qatysýymen iri jol apaty boldy.
Apat saldarynan 7 adam zardap shekti. Jedel medısınalyq qyzmet kelgenshe úsheýi qaıtys boldy. Úsh eresek adamǵa jabyq bassúıek-mı jaraqaty, mı shaıqalýy, bireýine sol jaq jambas súıeginiń synyǵy dıagnozy qoıylyp N7 qalalyq klınıkalyq aýrýhanaǵa jatqyzyldy, dep habarlaıdy almaty-akshamy.kz. Almaty qalasy qoǵamdyq densaýlyq saqtaý basqarmasyna silteme jasap.
Tórtinshi zardap shekken 15 jastaǵy bala sol taban súıekteriniń synýy dıagnozymen N2 qalalyq balalar klınıkalyq aýrýhanasyna jatqyzyldy. Zardap shekkenderge psıhologıalyq kómekpen qosa barlyq qajetti medısınalyq kómek tolyq kólemde kórsetilip jatyr.
Eske sala keteıik, buǵan deıin jazǵanymyzdaı Almaty qalasynda jolaýshy janjal shyǵaryp, qoǵamdyq kólik júrgizýshisin urǵan. Saldarynan baqylaýdan shyǵyp ketken qoǵamdyq kólik aıaldamada turǵan adamdardy qaǵyp, tórt kólikpen soqtyǵysty.