17 qarashada Qazaqstan Prezıdenti qol qoıǵan jasandy ıntellekt (JI) týraly zańnan keıin sıfrlyq saýattylyq taqyryby aıryqsha ózekti bolyp otyr, - dep habarlaıdy aqshamnews.kz.
Memleket JI-di retteý júıesin qalyptastyryp jatqan kezde, kreatıvti sektor jańa damý quralyn aldy.
Ortalyq Azıa elderinde IýNESKO-nyń Almatydaǵy óńirlik keńsesiniń qoldaýymen mádenıet jáne kreatıvti ındýstrıalar salasyndaǵy alǵashqy tegin onlaın-kýrs jalǵasýda. Kýrs shyǵarmashylyq mamandarǵa áleýmettik jeliler, elektrondyq komersıa, logıstıka jáne JI-di qoldaný boıynsha zamanaýı sıfrlyq daǵdylardy meńgerýge kómektesedi.
Baǵdarlama medıa, moda, arhıtektýra, mýzyka, kıno, dızaın jáne jańa medıa salalaryndaǵy halyqaralyq sarapshylardyń qatysýymen jeti beınemodýl men toǵyz podkasttan turady. Joba jetekshisi Aıka Alemı atap ótkendeı, «Sıfrlyq daǵdylar kreatıvti ındýstrıalarda jaı qosymsha emes, naqty básekelik artyqshylyqqa aınaldy».
Onlaın-kýrstar YouTube, Instagram jáne Telegram-arnada qoljetimdi.