Bul - jastardy kásipke úıretýge baǵyttalǵan áleýmettik mańyzy bar joba.
Almaty oblysynda turatyn názik jandar jún óńdeıtin jáne ulttyq kórpeler shyǵaratyn etnosheberhanasyn ashty, dep habarlaıdy Almaty-akhamy.kz.
Atalmysh sheberhana Qapal aýylynda ashylǵan. Uıymdastyrýlardyń aıtýynsha, bul - aýyldaǵy kásipkerlikti damytyp, jastardy kásipke úıretýge baǵyttalǵan áleýmettik mańyzy bar joba.
Qazirgi ýaqytta óz kásibińdi ashyp, eńbek etý kerek. Sondyqtan biz ýaqyt aǵymyna qaraı óz kásibimizdi bastaýǵa bel býdyq. Baǵdarlama jeńimpazy atanyp, qaıtarymsyz nesıege qol jetkizdik. Endigi kezekte ulttyq ónerdiń qaıta jańǵyryp, damýyna óz úlesimizdi qosqymyz keledi, – deıdi sehty ashýshylar.
Jobanyń jalpy quny 500 myń teńge. Búginde 2 jumys orny qurylyp, 10 adam ulttyq ónerdiń qyr-syryn oqyp-meńgerýde.
«Basty maqsat – ulttyq ónerdi ádemi kórpelerge kesteleı otyryp, dástúrdi qaıta jańǵyrtý. Alǵashqy kezeńde etnosheberhana óz jumysyn aýyl halqyn ónimmen qamtamasyz etýge baǵyttaıdy»,– delingen Almaty oblysy ákimdiginiń baspasóz qyzmetiniń habarynda.