Saılaý naýqany aımaqtyń 71 okrýginde ótedi.
Almaty oblysyndaǵy aýyldyq okrýg ákimderiniń saılaýyna 220 myńnan astam adam qatysady,dep habarlaıdy Almaty-akhamy.kz.
Qazaqstan Prezıdenti saılaý zańnamasyna engizilgen túzetýlerge qol qoıdy. Oǵan sáıkes aýdandyq mańyzy bar qalalardyń, kentterdiń, aýyldardyń jáne aýyldyq okrýgterdiń ákimderi tikeleı saılaý arqyly saılanatyn bolady. Aýyl ákimderin saılaý 2021 jyldyń 25 shildesinde ótedi. Almaty oblysynda jumystar bastalyp ketti.
Saılaý naýqany aımaqtyń 71 okrýginde ótedi. Aqsý aýdany boıynsha 9 ákim, Alakól – 8, Balqash - 6, Eńbekshiqazaq – 10, Eskeldi – 1, Jambyl – 2, İle – 1, Qarasaı – 1, Qaratal – 2, Kegen – 5, Kerbulaq – 4, Kóksý - 4, Panfılov - 4, Sarqan - 3, Talǵar-4, Uıǵyr-6, Tekeli qalasy-1 saılanatyn bolady. Raıymbek aýdanynda, Taldyqorǵan jáne Qapshaǵaı qalalarynda bos okrýgterdiń bolmaýyna baılanysty aýyldyq okrýg ákimderin saılaý ótkizilmeıdi. Búgingi kúni ákimdikke 243 kandıdat usynyldy, onyń ishinde 167 - ózin - ózi usynǵan, 57 - kandıdatty «Nur Otan» partıasy, 13 – «Adal» partıasy, 3 – «Aýyl» HDPP, 3-ǴPK usyndy.
Kandıdattardyń arasynda memlekettik qyzmetshiler, komersıalyq qurylymdardyń ókilderi, búdjettik uıymdardyń qyzmetkerleri, ýaqytsha jumys istemeıtin qoǵamdyq birlestikterdiń qyzmetkerleri jáne basqalar bar. Oblystyń aýmaqtyq saılaý komısıalary 188 kandıdattyń qoıylatyn talaptarǵa sáıkestigin anyqtady, 9 kandıdat sáıkes kelmeıdi. Búgingi tańda bir adam óz kandıdatýrasyn alyp tastady.
Saılaýǵa 220 myńnan astam adam qatysýdy josparlap otyr. Barlyǵy 17 aýmaqtyq jáne 198 ýchaskelik saılaý komısıalary, 1451 saılaý komısıalarynyń músheleri jumyldyryldy. Esterińizge sala keteıik, ákimdikke kandıdattardy usyný 9 shildege deıin aıaqtalady. Kandıdattardy tirkeý 14 shilde kúni saǵat 18.00-ge deıin jalǵasady.