Olardyń jalpy óndiristik qýaty 25 myń tonna bolmaq.
Aldaǵy tórt jylda Jetisý óńirinde 10 iri jylyjaı sharýashylyǵy iske qosylady dep josparlanyp otyr. Osy arqyly Almaty oblysynda azyq-túlik qaýipsizdigin qamtamasyz etý jáne ishki naryqty toltyrý sharalary kózdelip otyr, dep habarlady Almaty-akshamy.kz.
Mamandardyń aıtýynsha, osy maqsatta jylyjaılar men qus fabrıkalarynyń sany artyp, ónim aýqymy kóbeıtiledi.
«Oblystyq ekonomıka jáne búdjettik josparlaý basqarmasynyń málimetinshe, kókónisterdi jyl boıy óndirýge kóshý úshin 2026 jylǵa deıin 45 gektar jerde 10 iri jylyjaı sharýashylyǵyn iske qosý josparlanǵan. Olardyń jalpy óndiristik qýaty 25 myń tonna bolmaq. Bul kókónis ósirýdiń jalpy kólemin 2 esege ulǵaıyp, 500-den astam jumys orny ashýǵa múmkindik beredi», - delingen Almaty oblysy ákiminiń baspasóz qyzmetiniń habarlamasynda.
Almaty oblysy qus etin óndirýdegi básekelestikte basymdyqqa ıe, ıaǵnı respýblıka naryǵy kóleminiń 32% oblystyń úlesinde. Bul baǵytta ımport almasý mindeti aıasynda eki qus fabrıkasy salynyp, bireýiniń irgesi keńeıtiledi. Olardyń jyldyq jalpy qýaty 76 myń tonna, ınvestısıa kólemi 85 mlrd teńge, al qurylatyn jumys oryndarynyń sany 1100 bolady dep mejelenýde.