Barlyq faktiler boıynsha ákimshilik materıaldar toltyryldy.
Jetisý oblysy boıynsha Memlekettik kirister departamenti sońǵy 15 kúnde «Nur joly» keden beketinde shetel valútasyn tasymaldaý jolyn áshkereledi, dep habarlaıdy Almaty-akshamy.kz
Qazir «Nur joly» keden beketinde jeke azamattardyń qolma-qol shetel valútasyn deklarasıalamaý faktilerin anyqtaý boıynsha turaqty jumys júrgizilýde.
«Nur joly» keden beketiniń qyzmetkerleri qorǵanys kesheniniń shekaralyq baqylaý qyzmetkerlerimen birlesip, Qazaqstan Respýblıkasynan Qytaı Halyq Respýblıkasyna shyǵýdyń ákimshilik zalynda 15 kún ishinde shetel valútasyn tasymaldaýǵa tyrysýdyń 5 faktisin anyqtady.
Qytaı Halyq Respýblıkasynyń azamatynan 16 naýryzda 10 myń AQSH dollary, 1100 ıýán jáne 73,5 myń teńge somasynda deklarasıalanbaǵan qarajat anyqtaldy.
Sol sıaqty 18 naýryzda Tájikstan azamaty 11 875 AQSH dollaryn, al 25 naýryz kúni Qytaı Respýblıkasynyń azamattary 5,0 mln teńge, 416 ıýán jáne 1,7 mln teńge jáne 14 500 AQSH dollaryn deklarasıalamaǵany anyqtaldy
Sáýirdiń basynda Qytaı azamaty 15 500 AQSH dollaryn deklarasıalamaı alyp ótpek boldy.
Barlyq faktiler boıynsha ákimshilik materıaldar toltyryldy.
Jetisý oblysy boıynsha memlekettik kirister departamenti Qazaqstan Respýblıkasy prezıdentiniń 2022 jylǵy 14 naýryzdaǵy №830 jarlyǵyna sáıkes, Qazaqstan Respýblıkasynyń Ulttyq Banki áketý kúnine belgilengen baǵam boıynsha eseptelgen jáne 10 000 (on myń) AQSH dollary balamasynan asatyn somadaǵy qolma-qol shetel valútasyn jáne (nemese) shetel valútasyndaǵy aqsha quraldaryn áketýge tyıym salynǵan eske salady.