Rınat Zaıytov Premer-Mınıstrdiń orynbasary Altaı Kólginovke depýtattyq saýal joldady.
Onda ol mádenıet, arhıv jáne kitaphana qyzmetkerleriniń jalaqysyn kóterýdi surady, dep habarlaıdy Almaty-akshamy.kz Egemen.kz-ke silteme jasap.
«Búginde memlekettiń aınasy bolyp otyrǵan mádenıet qyzmetkerlerin múldem eskerýsiz qaldyryp otyrmyz. Mádenıet salasynyń qyzmetkerleri degenimiz – tek qana sahnada óner kórsetetin tulǵalar emes, solardyń jaǵdaıyn jasap otyrǵan sahna syrtyndaǵy eńbek adamdary. Olar memleketine shynaıy mahabbatpen qarap, mádenıetke bar yqylasymen qyzmet etetin: sahna tehnıkteri, kostúmerler, grımerler, jaryq túsirýshiler, dybystaýshy degen sıaqty myńdaǵan adamdar. Janǵa batatyn bir jaıt, atalǵan qyzmetkerler áli kúnge deıin sanaty joǵarylap, jalaqysy ósip jatqan ustazdar, dárigerler sıaqty mamandar qatarynan da oryn alǵan joq», - dedi depýtat.
Rınat Zaıytovtyń aıtýynsha, qazirgi tańda mádenıet salasy qyzmetkerleriniń jalaqysy 60 myń teńgeden bastalyp 100 myń teńgege jeter-jetpes mejeden asa almaı tur. Bul bilikti mamandardyń jumystan óz erkimen ketýine sebep bolyp, mádenıet oshaqtarynyń jumysyn tejep tur.