Jetisý oblysynda 17 jyl halyqaralyq izdeýde bolǵan kúdikti ustaldy, - dep habarlaıdy aqshamnews.kz tilshisi.
"Taldyqorǵanda polıseıler respýblıkalyq "Quqyqtyq tártip" aksıasy aıasynda júrgizilgen jedel-izdestirý is-sharalary barysynda quqyq qorǵaý organdarynan uzaq jyl boıy jasyrynǵan 54 jastaǵy Qazaqstan Respýblıkasynyń azamatyn ustady", - dep jazylǵan habarlamada.
Polısıa málimetinshe, er adam 2008 jylǵy 15 mamyrdan bastap esirtki qylmysymen aınalysqany úshin halyqaralyq izdeýde bolǵan. Mundaı áreket úshin 10-15 jylǵa deıin bas bostandyǵynan aıyrý jazasy qarastyrylǵan.
Ustalǵan er adamǵa polıseıler tıisti shara qoldanyp jatyr. Bul is boıynsha barlyq jaǵdaı tergeý barysynda muqıat tekseriledi.
Polısıa qyzmetkerleri zań men tártip ár azamattyń ustanýǵa tıis qaǵıdasy ekenin, ár adam jasaǵan qylmysy úshin jaýapqa tartylatynyn eskertti.