Bul týraly qala basshysy Erbolat Dosaev aýdan halqymen kezdesýde málimdedi, dep habarlaıdy Almaty-akshamy.kz.
Aýdanda bastapqy medısınalyq-sanıtarlyq kómek obektileriniń tapshylyǵy qatty sezilýde. Osy máselelerdi sheshý úshin biz kelesi sharalardy iske asyramyz. Osy jyldyń maýsym aıynda "Kemel" shaǵynaýdanynda aýysymyna 200 adam qabyldaıtyn otbasylyq-dárigerlik ambýlatorıa paıdalanýǵa beriledi.
Ótken kezdesýlerde aıtyp ótkenimdeı, aýdan ákimdigi Omarov kóshesinde 200 kelýshige, Núsipbekov kóshesinde 300 kelýshige jáne Rabochıı poselkesinde aýysymyna 240 kelýshige arnalǵan emhanalar úshin 3 ǵımarat satyp aldy.
Osy jyldyń maýsym aıynda Núsipbekov jáne Omarov kóshelerindegi ǵımarattardy kúrdeli jóndeý jumystaryna konkýrs jarıalaımyz. Jóndeýdi osy jyldyń tamyz aıynda bastap, 2024 jyldyń naýryz aıynda aıaqtaýdy josparlap otyrmyz. 2024 jyldyń II toqsanyna paıdalanýǵa beriledi.
Rabochıı poselkesinde ǵımarat boıynsha satyp alý sharty jasaldy. Emhanany osy jyldyń IV toqsanynda jóndeý jumystary men jabdyqtar satyp alynǵannan keıin ashý josparlanýda.