Almatynyń Jetisý aýdanynda jyl basynan beri 19 shaqyrym jol jóndeldi. Bul týraly Almaty óńirlik komýnıkasıalar qyzmetiniń onlaın brıfıńinde Jetisý aýdanynyń ákimi Gúlnar Kókebaeva málimdedi, dep habarlaıdy Almaty-akshamy.kz.
Tórt jerde uzyndyǵy 2,6 shaqyrym trotýarlar jóndeldi, 27 mekenjaı boıynsha jalpy uzyndyǵy 4,4 shaqyrymdy quraıtyn aryq jelilerine jóndeý jumystary júrgizilip jatyr.
Ákimdik aýmaǵynda qasbetti jaqsartý jumystarynyń qarqyn alýda. 7700 aǵashty sanıtarlyq kesý jáne 2100 dana kóleminde pishindi kesý jumystary júrgizildi. Aýdan ákimdiginiń qyzmetkerleri, eriktiler men jastar qatysqan 25 senbiliktiń nátıjesinde 528 tekshe metr qoqys shyǵaryldy.
Gúlnar Kókebaeva aýdanda Qazybaev – Rysqulov – Tátibekov – Raıymbek jáne Seıfýllın - Soltústik aınalym – Rysqulov – Boraldaı kósheleriniń kvadratynda sýmen jabdyqtaý jáne sýdan burý jelilerin tóseý jumystary aıaqtalatynyn habarlady.
Sonymen qatar, Kemel shaǵynaýdany men Paladın, Pavlodar, Býrýndaıskaıa kósheleri jáne Rysqulov – Tátibekov – Raıymbek – Kýderın kósheleriniń kvadratynda elektrmen jabdyqtaý jelilerin rekonstrýksıalaý jumystary júrgizilýde. Jumystardy aıaqtaýdyń josparlanǵan merzimi – 2022 jyldyń 4-shi toqsany.