Qalamger esimi el jadynda
Almatyda belgili jazýshy, memelekettik syılyqtyń laýreaty Saıyn Muratbekovtyń 85 jyldyǵyna arnalǵan eske alý keshi boldy, dep habarlaıdy Almaty-akshamy.kz 24.kz-ke silteme jasap
İs-sharaǵa qalamgerdiń týǵan-týystary men shákirtteri qatysty. Saıyn Muratbekov lırıkalyq proza janryn qazaq ádebıetinde joǵary deńgeıge kótere bildi.
Onyń shyǵarmalarynda adam jany, psıhologıasy men adamzat qundylyǵy kórinis tapty. Jazýshynyń eń alǵashqy shyǵarmasy «Meniń qaryndasym», «Tańǵy shyq» áńgimelerinen bastap, onyń «Jabaıy alma», «Jýsan ısi» sekildi klasıkalyq týyndylaryn oqyrmandar áli kúnge deıin izdep júrip oqıdy. «Qalyń qar», «Óliara» povesteri kitap bolyp shyqqan.